Mga Lagda sa Pagsuwat:

1. Ang bangga bukas alang sa mga nagpuyo lang dinhi karon sa Sugbo. Di mahimong mosalmot ang nagpuyo gawas sa Sugbo, labina ang naa sa gawas sa nasod (abroad). Way entry fee nga pangayuon sa matag salmot.

2. Ang entry kinahanglan nga patabanan og certificate sa barangay diin nagpuyo ang tagsulat (writer).

3. Duha ang mga kategoriya: individual ug school.

4. Mga tunghaan lang dinhi sa Sugbo ang gitugtan usab nga makasalmot sa bangga.

5. Ang sa school category, kinahanglan nga ang entry hiniusang gihimo sa mga tinun-an ug magtutudlo.

6. Ang matag grupo kinahanglan nga langkuban og lima ka mga sakop.

7. Matag usa (individual ug school) mamahimong makasubmit og tulo ka entries.

8. Kinahanglan nga ang entry gisuwat sa yanong Sugbuanong Bisaya.

9. Di molapas sa 900 ka mga pulong o singko mil (5,000) ka karakter.

10. Kinahanglan nga ang entry wa pa gyud mapublikar o mamantala sa bisan unsang magasin, mantalaan o libro.

11. Kinahanglan nga ang sugilanon popular o inila sa lugar nga gihisgutan ug gigikanan niini.

12. Susihon sa University of the Philippines in the Visayas Cebu College-Central Visayas Studies Center (UPVCC-CVSC) kon unsa ka tinuod nga ang entry gihisgutan sa lugar diin kini magagikan.

13. Ang estorya hukman base sa estillo, pagka orihinal, paggamit og mga simbolo ug pagdani ug susihon sa UPVCC-CVSC ang pagkatinuod niini.

14. Sa matag kategoriya, pilian kini og lima ka mga mananaog.

15. Sa individual nga kategoriya, ang mga mananaog makadawat og P10,000 cash ug SmartBro Prepaid Plug-IT matag usa.

16. Sa school nga kategoriya, ang matag mananaog makadawat og personal computer (PC) ingon man USB nga balor og P500 ang matag sakop sa team.

17. Kinahanglnan nga ang matag entry ipadala pinaagi sa e-mail. Ang di ipaagi sa e-mail di dawaton. Ipadala kini sa superstorybook@sunstar.com.ph. Ang deadline sa pag-submit sa entries Hulyo 31, 2009. Sa mga pangutana, tawag lang sa 416-8380, pangitaa si Roger Vallena.