LAUMAN ang nagbaga-baga nga performances nga hatud sa LED Alab Poi Dancers nga gidapit sa lokal nga gobyerno sa dakbayan nga mohatag og lingaw sa mga Dabawenyos subay sa Pasko Fiesta celebration karon nga tuig.

Ang Alab Poi dancers maoy nagbukas sa Pasko Fiesta sa nakalabay nga Nobyembre 23.

Apan ang mabulukon ug makalingaw nga performance subling masaksihan atubangan sa Davao City Hall karong Disyembre 10, 11, 12, 19, 20 ug 21 gikan sa 7:00 p.m. hangtud 7:30 pm ug 8:00 p.m. hangtud 8:30 pm.

Suma ni Atty. Raul Nadela, ang chief of staff ni Mayor Inday Sara Duterte nga ang performances sa mga dancer lauman nga mas hugyaw ug makalingaw.

"This is part of our gift for the Dabawenyos. We are encouraging them to watch and enjoy the performance," niya.

Ang Alab Poi Dancers usa ka Luzon-based group nga naka-ani na og daghang awards sa local and international scene tungod sa ilang fire and LED-enhanced dance numbers. (PR)