ANDAM na ang tanan ang dakbayan sa Dumaguete sa pag-host karong tuiga sa Philippine Olympic Commitee-Philippine Sports Commission (POC-PSC) National Games sa Disyembre 1 hangtod 5 ug POC-PSC Philippine National Youth Batang Pinoy Games sa Disyembre 5 hangtod 13.
Ang iskedyul sa maong duha ka torneyo gi-anunsyo ni Philippine Sports Commission (PSC) Chairman William "Butch" Ramirez sa National Consultative Meeting on Development Plan for Philippine Sports and Set-up for Philippine Sports Institute sa Multi-Purpose Arena, Philsports, dakbayan sa Pasig niadtong Huwebes, Septyembre 22.
Ang Dumaguete una na sab naka-host og National University Games ug mogunit sab Uni-Games karong umaabot Oktubre.
Ang National Para Games mamahimo sab himoun sa maong siyudad apan ang detalye padayon pa ginahuman.
Ang POC-PSC National games pagaulohan ni PSC Commissioner Ramos Fernandez samtang Commissioner Celia Kiriam ang in-charge sa Batang Pinoy Games ug Commissioner Arnold Agustin sa National Para Games.
Samtang ang Laro't Saya Parke program himoun na sa nasyunal nga ilusa d sa 20 ka siyudad diin kabahin kini sa ilang programa sa ahensya.