PIPILA ka mga ginikanan, manunula ug manan-away ang gakahimuot sa presensya ni Ruelle “Tawing” Canino atol sa Iligan City Diyandi Festival Mayor Celso Regencia Open Chess Tournament niadtong Sabado, Setyembre 24, didto sa Donya Actub Lluch Memorial Elementary School.
Gipakita sa otso-anyos nga Canino ang iyang katakos labina nga na-enganyo sila sa kagamayon nga mopildi na og mga magulang pa niya.
Niposti ang gamay’ng batang babae og tulo ka puntos human gidominar niya ang 20-anyos kapin nga si Vincent Canoy sa ika-upat nga round ug nakadawat pa siya og palakpak sa usa ka miyembro sa officiating human sa dula.
Gawas niana, na-enganyo sab sila Fide Master Victor Bruce Lluch ug National Master Fernandito Pialan sa Iligan City sa kapas sa bata labina nga nabalan nila nga nilangkat og bulawang medalya si Canino sa karong tuiga nga ASEAN Age Group Chess Championships 8-under girls didto sa Thailand.
“Balo na og gamay nga theory ang bata,” ingon ni Pialan.