PAGPALIT og lamiang chocolate products ug desserts gikan sa Tablèa Chocolate Cafè gipasayon ug komportable sa kustomer sa bag-ong kasabotan tali sa delivery app Foodpanda niadtong Martes.
Dili na kinahanglan nga moadto sa bisan asang sanga sa Tablea sama sa naa sa JY Square, pinaagi na lang sa pagpindot sa tudlo sa smart phone, moabot na sa imong nahimotangan ang imong gusto nga produkto sa Tablea.
Sumala ni Russian Honorary Consul Armi Lopez Garcia, ang chief executive officer sa Tablèa Chocolate Cafè, ang pagkuha sa food delivery app kabahin sa pagpalambo sa serbisyo sa kompaniya nga nagtanyag sa tradisyonal nga pagkaong Pinoy.
“We want to bring our Tablèa products closer to customers. We want to bring them to your offices, homes, parties and conferences because are now a click away through Foodpanda delivery,” matod ni Garcia sa press conference sa bag-ong gi-renovate nga sanga sa JY Square Lahug.
Sa pagkakaron, ang Tablèa duany duha ka sanga, sa JY Square ug Dipolog City. Dunay commissary cafe sa Mandaue City.
Sa minimum nga P300 balor sa orders, ang Foodpanda mohatod sa Tablèa drinks ug pastries sa kusotmer sulod sa six-kilometer radius gikan sa cafe.
Ang customers kinahanglan una nga mo-download sa Foodpanda app sa ilang mobile devices alang sa serbisyo. Ang app makuha sa Windows, Android ug iOS systems. (PR)