KUNG mangutana ka sa sekreto sa mga masters ug class A players, kasagaran mogawas sa ilang mga baba ang termino nga “theory.”
Unsa na siya?
Kining theory, basihanan kini pag-unsaon pagkab-ot og sakto nga “play” sa unsa nga posisyon nga moabot.
Katong gisulat nako nga mga elemento nga gisaysay ni Ex-World Champion Wilhelm Steinitz maoy usa sa mga theory.
Parehas niini sa akong dula batok sa hingpit nakong karibal apan suod kung higala ug pare nga si Johnnel Balquin atol sa ika-upat nga round sa Diyandi Festival Open Chess Tournament niaging semana didto sa Iligan City.
Kalimot ko sa theory sa open position nga kusog ug ampay na sa bishop ug rook. Nakalimot ko ana nga prinsipyo nga napaingon sa akong kasilotan.
[Event "Diyandi Festival Open Chess Tournament"][Site "Iligan City"]
[Date "2016.09.24"][Round "4"][White "Balquin, Johnnel"][Black "Frias, Jaime"][Result "1-0"][ECO "A05"]
1. Nf3 Nf6 2. b3 d5 3. Bb2 Bg4 4. h3 Bxf3 5. gxf3 Nbd7 6. f4 e6 7. e3 Bd6 8. c4 c6 9. Nc3 Qe7 10. Qc2 dxc4? [Syempre sayop. Sayo ra kaayo pag-abri ug nakalimot ko nga naka two-bishop pair siya ug hait kini sila kung ang posisyon abri ug ako ra giabri ang posisyon. Dapat gipadayon nako nga hugot ug dapat nitira ko 10…Ba3 kuhaon nin nga bihop] 11. Bxc4 e5? [Samot nako giabri] 12. fxe5 Nxe5 13. Be2 Ng6 14. O-O-O! Ba3 15. f4 O-O? [Naay open file ang puti sa g-file ug matod ni Steinitz nga kinsa makakontrolar sa open file adunay permanent advantage.] 16. Kb1 Bxb2 17. Kxb2 Rfd8 18. h4 Nd5 19. h5 Nf8 20. Nxd5 cxd5 21. Qf5 Rd6 22. Rhg1! [Ug ang permanent advantage] d4 23. Bc4 [Control of diagonal us aka permanent advantage] b5?? 24. Qxb5 Rad8 [mga pila ka mga duso ni-resign ako] 1-0
Pagtulon-an niini: Kung naa siya’y paired bishop, i-hugot ang posisyon o kuhaa ang usa sa iyang bihop. Gawas sab niana, ayaw i-abri ang posisyon.