6 ka polis nga 'user' gi-imbestigahan

LAING unom ka miyembro sa kapolisan nga sakop sa Philippine National Police (PNP)-Northern Mindanao ang gipailalom sa imbestigasyon human nalakip ang mga pangalan niini sa nahilambigit sa ginadili nga druga.

Dili pa kini mapanganlan gumikan kay kasamtangan pa kining giimbestigahan ug naghulat sa desisyon human usab sa mamahimong resulta sa imbestigasiyon.

Gikompirma ni Police Superintendent Surki Sereñas, Regional Police Spokesperson nga aduna kini silay gi-imbestigahan nga unom ka mga miyembro karong mga panahona pinaagi sa gipadalang text messages.

“Yes, On-going investigation and awaiting decision,” pahayag ni Sereñas,

“Naa ta’y unom karong gina-imbestigahan dili lang pud sa nato sila nganlan dili ko sigurado but most of them are users, actually continues ang atong internal cleansing labaw na ang mga officers, non-commission officers nga atoang namontor nga user,“dugang pahayag ni Sereñas sa interbyu sa radyo.

Gidugang pa usab niini nga posibleng aduna pa kini sila’y mga kauban nga anaa sa Northern Mindanao ilabi na sa bag-o nga listahan nga posibleng panganlan ni Presidente Rodrigo Duterte.

Gani malipayon kini kung mapanganlan kay gusto na usab matud pa niini nga katong mga nahilambigit sa ilegal nga kalihokan matanggal na sa serbisyo ug malimpyohan ang ilang hanay diin kining mga susama niining mga tawhana ang naghatag og bad image ngadto kanila.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph