MAGPAHIGAYON ang Opol Eagles Club sa ilang ika-duhang hugna nga 12-under Age Group Chess Tournament karong Sabado, Oktubre 8, didto sa Capitol Training Center, Misamis Oriental Capitol Compound.
Ipahigayon unta kini sunod semana sa Oktubre 15 apan gipasayo nalang tungod nga madungan sa Cagayan de Oro City Division Meet.
“Gipasayo ang torneyo tungod kay ma-conflict sa City Division Meet,” pahayag ni Glen Escarda, kinsa ang organizer niining torneyo.
Mobitbit og P2,000 nga cash prize ug medalya ang mouli nga kampyon, samtang P1,500 ug Php 1,000 nga adunay mga medalya matag usa ang molanding sa ikaduha ug ikatulo nga pwesto, sunod-sunod.
Mouli sab og P700 ug P500 nga adunay medalya matag usa sa mahulog sa ika-upat ug ika-lima nga pwesto, sunod-sunod.
Aduna sab P100 ug medalya sa ika-lima paingon sa ika-10 nga pwesto.
Naa sab special prizes sa top three 8-under boys and girls ug top 10-under boys and girls.
Suportado sab ang torneyo kini sa Explore MisOr Chess Club.
Alang sa dugang kasayuran, pakigkita ug pagatawaga lang sila Father Vic Arellano ug Jun Cuizon sa ilang numero 09065246812 ug 09051166326.