Dugang flights sa MCIA gitinguha

Mactan-Cebu International Airport Authority (MCIAA) nagti­nguha nga makadani og dugang flight routes sa ilang pagpresentar og incentive plan ngadto sa airline operators niadtong Miyerkules sa hapon atol sa gipahigayon niini nga public hearing.

Ang mga airline operators ma­kakuha unya og 100 porsiyento nga discount sa ilang landing ug parking fees alang sa ilang mga bag-ong international ug local routes padung ug gikan sa Sugbo.

Ang kasamtangang flights ma­kakuha lang og 50 porsiyentong discount.

“The MCIA Authority is in charge of improving and promoting new traffic routes to Visayas and Mindanao. It is our job and objectives to increase flights to and from Mactan airport,” matod ni MCIAA general manager Engineer Nigel Paul Villarete.

Ubos sa Republic Act 6958 o ang MCIAA Charter, kini nagka­nayon nga “the Airline Incentive Plan for Landing and Take-off Fees aims to encourage, promote and develop international and domestic air traffic to help the region become a center of trade and tourism.”

Paambit ni Villarete sa mga tigbalita nga ang Board of Directors sa MCIAA nagmugna sa plano sa tuyo nga mapalambo ang pag-market sa airport.

Dugang niya ang maong incentive plan gibuhat usab sa laing mga airport sa kalibutan sama sa Changi Airport sa Singapore, Hong Kong International Airport, Incheon International Airport sa South Korea, lakip na ang Atlanta ug Northwest Florida Airport sa Estados Unidos.

Kabahin sa posibleng paghu­ot sa airport nga mamugna unya sa ma­ong plano, gitataw ni Villa­rante nga kini usa ka maayong problema nga atubangon ug dili angay pugngan.

“It (congestion) is something that we should welcome and we should start right now trying to find ways and means to alleviate the congestion,” saysay niya.

Saysay niya nga kon motaas ang flight routes, kini nagpasabot nga makabenepisyo ang tanang sektor labi na sa turismo.

style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph