ANG lokal nga kagamhanan sa dakbayan sa Davao magbukas sa Martes, Oktobre 11, sa memorial sa mga biktima sa Roxas night market bombing niadtong Setyembre 2 ning tuiga -- 40 ka adlaw human mibusikad nga mipatay sa 15 ka tawo ug miangol 69 ka mga tawo.
Ang pagbukas magtapok ug maghiusa sa mga survivors ug pamilya sa mga namatay sa pagpamomba.
Usa ka misa ang himuon sa dapit sa pagpamomba alas 4 sa hapon.
Ang seremonyas sa 40 ka adlaw tambongan ni Mayor Sara Duterte-Carpio.
Ang mayor nagsulti nga ang memorial pahinungod sa kinabuhi ngadto sa mga nangamatay ug naluwas sa pagpamomba.
"We commit to forever remember the victims of the bombing on September 2," suma ni Duterte-Carpio.
"And we also commit to do everything possible to prevent or stop acts of terrorism from happening again," sulti sa opisyal.
Kining memorial, suma sa mayor, maoy lugar "for prayer, for peace, and remembrance." (AD/PR)