MAAYONG balita sa muay thai sa Cagayan de Oro.
Duha ka Kagay-anon ang niuli og prestiyusong dungog sa kadalaing international nga kompetisyon bago lang.
Nilangkat ang 31-anyos nga Alcer Lozada, garbo sa Muay Thai Puntod-Macabalan, og silver nga medalya sa Sixth Tafisa World Sport for All Games muay thai event niaging adlaw sa Jakarta, Indonesia.
“Among mainit nga pasigarbo ni Alcer sa iyang kadaogan didto sa Indonesia,” mainit nga pasidungog ni Beh Barothy Hung, kinsa ang tag-iya ug tigdumala sa Mindanao Ultimate Mixed Martial Arts (Mumma).
Matod ni Hung nga usa ka senior nga miyembro si Lozada sa Mumma.
Usa pa ka Kagay-anon nga gipasidungog sa Mumma sa personahe ni Jonathan Polosan, usa ka garbo sa Barangay Kauswagan ning dakbayan ug usa na ka miyembro sa Philippine Team.
Nalangkat ni Polosan ang bronze nga medalya sa Fifth Asian Beach Games muay thai tournament sa Vietnam, bag-o pa napahigayon ang Tafisa World Sports.
“We are proud of them for winning in the international,” ingon ni Hung.