Roldan: “Basura mo, silya ko” (Bamosiko) Campaign


PANAHON na sa pagbaha.

Ang kaulohan kagahapon, Oktubre 17, gikusokuso ni bagyong Karen nga nagdala’g sobrang baha sa tibuok Metro Manila.

Aduna pay umaabot nga bagyong Haima karong semanaha nga mas kusog pa ni Karen. Ang Manila de Bay napuno na sa toneladang basura nga maoy gikaguol sa lokal nga kagamhanan sa Manila basta may bagyo.

Gawas sa trapik, ang basura ang usa sa modernong problema sa katilingban tungod usab sa pagpasagad sa tawo.

Kadaghanan sa lisod mawala nga basura mao ang plastik nga maoy makabara sa atong mga imburnal ug kanal.

Gatusan pa ka tuig una hingpit nga matunaw ang plastik busa sugyot sa gobyerno ug mga pribadong grupo nga i-reuse, i-recycle, og i-recover kini ngadto sa magamit pa nga produkto. Mao kini ang usa sa mga kampanya sa Tambayan Center kauban ang Johanniter International ubos sa ilang “Community Resiliency Project” nga gitawag ug “Basura Mo, Silya Ko” o Bamosiko Campaign.

Awhagon sa Tambayan ang mga lokal nga kagamhanan, eskwelahan, parokya, homeowners associations, non government organizations nga tapukon nila ang ilang mga “mixed soft plastics” sama sa mga putos sa candy, sachet sa kape, shampoo, sando bag, putos sa palengke ug mall, tarpaulin, ug uban pa.

Dal-on kini sa tukurunon unya nga Envirotech Plastic Recycling System (EPRS) facility sa may Sasa, aron himuong silya sa eskwelahan, bench ug uban pang produkto.

Plano sab sa Tambayan nga makahimo ug mga “portable toilets” o “portalets” alang sa tulo ka target nga komunidad sa Boulevard sama sa Barangays 23-C, 22-C ug 21-C.

Gibanabanaang sobra 20,000 ka tawo niining lugara ang walay comfort room ug didto lang manghimuntag sa dagat.

Dugay nang problema sa katawhan ang waste disposal ilabi na sa soft plastic nga gitawag ug “residual garbage” o basura nga di na magamit nga nagpasad lang sa palibot.

Sumala ni Winchester Lemen, CEO sa Envirotech Waste Recycling Inc. (EWRI) nga maoy partner sa Tambayan Center, ang 30 ka toneladang plastic nga basura makahimo ug 1,500 ka classroom chairs.

Dinhi pa lang sa Davao City, kayahon nga makakuha’g 50-100 ka toneladang mixed soft plastic matag bulan basta padayon lang ang kampanya.

Wala pay labot ang kasikbit nga mga probinsya sa Davao del Sur, del Norte, Oriental ug Occidental nga pwede pang kuhaan og suplay sa plastic.

Sumala sa Asian Development Bank (ADB) niadtong 2004 sa ilang libro nga “The Garbage Book” nga ang natipon nga linabay nga plastic sud sa 30 ka tuig kay moabot ug 70 million ka tonelada.

Sama kini kadako sa 35 ka Payatas nga naila nga pinakadako nga labayanan og basura sa Metro Manila.

Ingon ani kadaghan sa plastic nga anaa sa atong palibot.

Matag lingkuranan nga ginama gikan sa 100 porsiyento recycled plastic kay maka-save ug 3-year old nga kahoy busa nindot kaayo kining maong kampanya sa Tambayan Center ug partners aron makatabang sa problema sa basura ug sanitasyon.

Mahunong na sab unya ang pagpatakag kalibang sa katawhan diha sa coastal area ug hingpit nang matuman ang target nga zero-open defecation ang atong dakbayan tungod sa portalets nga imuntar unya.


style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph