GIINGONG dili supak ang Barog Kabataan Movement-Northern Mindanao sa sugyot nga kinahanglan na nga magbutang og casino ang siyudad sa Cagayan de Oro.
Kini ang gibutyag ni Kenneth Piluton, kinsa chairman sa Barog Kabataan.
Giingong iyang nakita sa iyang personal nga panglantaw nga dili siya supak nga i-entertain kini sa siyudad tungod kay didto sa laing siyudad, sama sa Cebu ug Davao, adunay mga casino ug iyang nakita nga naghatag kini og employment sa maong mga siyudad.
Adunay maayo nga hatod niini ug iyang nakita nga dili kini ma-access deretso sa mga kabus tungod kay dili basta-basta ang pusta ug iyang gisiguro nga dili moubos sa 500 ang pusta nga dili ma-access kayo sa kabus.
Gibutyag usab niini nga dili sab ma-exploit ang kabatan-onan niini ug i-edukar lang og insakto.
Kahinumduman, gibutyag ni Konsehal Zaldy Ocon, kinsa chairman sa games and amusement sa konseho sa siyudad, nga kinahanglan na nilang tun-an ang pagsulod sa casino gambling denhi sa siyudad apan kinahanglan pa kini og igong konsultasyon sa katawhan sa siyudad.
Una na usab nga nagpaabot ang mga simbahan sa siyudad nga dako silang supak sa pagbutang niini denhi sa siyudad. (SVB)