KINATIBUK-ANG budget sa dakbayan sa Mandaue alang sa tuig 2017 niubos og P300 milyones.
Gikan sa P2.6bilyones ning tuiga, nahimo nalang kini nga P2.3 bilyones.
Matod ni Mayor Luigi Quisumbing sa dihang nahinabi sa mga tigbalita kagahapon nga ang hinungdan sa pag-ubos sa budget tungod sa wa una pag-focus sa iyang administrasyon sa infrastructure projects alang sa sunod tuig.
“Naa tay gi budget for drainange, drainage improvement for concreting but its not as much as in years past because as you know, this year, we are going to be doing undertaking, a drainage and traffic master plan,” ni Quisumbing sa mga tigbalita kagahapon sa hapon.
Dugang niya nga di siya buot mogasto sa salapi kon wa pa kini tinong plano sa gamitan niini.
“…Because mao lagi na, we keep on spending in the last years for drainage, traffic and road widening and concreting but as you know, traffic still exist, baha still exist. That’s why para nako I want to be able to complete this plan before we embark on a massive infrastructure spending initiative. But as you know plans like this don’t happen overnight,” sumala pa sa mayor.
Paambit sab sa mayor nga mas gitutukan niya ang pagbaton og dugang luna sa dakbayan.
Buot ni Quisumbing nga mahuman una ang kinatibuk-ang drainage ug traffic master plan usa siya mopatuman sa mga dagkong infrasdtructure projects nga himuon sa tabang sa supplemental budget alang sa sunod tuig.
“We just retool a little bit, the budget. We move the few things around. You know, most of our concentration man gud is more on infrastructure projects for next year are going to be for PPP,” paambit ni Quisumbing.
Si Quisumbing nagkanayon nga kon mahuman na unya ang drainage ug traffic master plan sa sunod tuig, kini maoy higayon nga mohimo og supplemental budget ang dakbayan alang sa mga dagkong proyekto base sa master plan.
Apan samtang wa pa ang master plan, buot una sa mayor nga hingusgan ang dredging operations sa mga agianan ug tubig sa dakbayan lakip na ang pagpanglimypyo sa mga kanal sa dfakbayan.
Nasuta ning mantalaan nga mopalit ug amphibious dredger nga may dakong vacuum pump ang Mandaue sa di pa matapos ang tuig, ni Quisumbing.
“Our first half of the 2017 is going to have a lot of house cleaning,” ni Quisumbing.