Mga trending banner stories sa Superbalita

ANG coverage sa elek­syon ug isyu bahin sa ginadili nga drugas ang mga nag-trending nga estorya sa Superbalita Cebu.

Daghan ang nag-atang sa resulta sa piniliay niadtong Mayo labi na sa pagka presidente sa nasod ug ang init nga panag-atbang sa pipila ka mga kandidato sa Sugbo sama nila ni kanhi kongresista Tomas Osmeña ug kanhi Cebu City mayor Mike Rama.

Si Osmeña ang mi­da­og sa pagka mayor.

Samtang, si Rodrigo Duterte ang midaog pagka presidente ug si Leni Robredo sa pagka bise presidente.

Gipahigayon gani din­hi sa Sugbo ang presidential debate sa University of the Philippines niadtong Marso.

Bugtong si anhing se­nador Miriam Defensor Santiago lang ang wa makatambong. Samtang naa sila si kanhi bise presidente Jejomar Binay, Duterte, Sen. Grace Poe ug Mar Roxas.

Tungod sa kamoderno sa teknolohiya karon, hagit sa mga tigbalita ang paghatod og lab-as nga mga balita ug kasayoran ngadto sa publiko pinaagi sa social media sa real time.

Sa miaging eleksyon, ang Superbalita Cebu migamit og Facebook Live aron makit-an sa mga sumosunod ning mantalaan ang actual nga nahitabo sa pag-ihap sa mga botos, kinsa ang mga naglabaw ug naproklamar na.

Sa mga estorya sa mga operasyon sa awtoridad batok sa mga personalidad sa ginadili nga drugas, daghan ang naukay dihang ang gipangita ug giila nga usa ka bigtime drug lord sa Central Visayas nga si Jeffrey Diaz alyas Jaguar ang napatay didto sa Las Piñas niadtong Hunyo 17.

Human sa upat ka adlaw, ang gidudahan nga drug lord sa amihanang Sugbo nga si Alvaro Alvaro alyas Barok ang nitahan sa iyang kaugali­ngon ngadto sa National Bureau of Investigation didto sa Bohol.

Daghan ang nag­laom nga nanganlan ni Barok ang mga pulis ug opisyal sa gobiyerno nga nahimo nga mga protektor niini ug dunay koneksyon sa iyang grupo.

Daghan usab ang nag­laom nga dunay gibilin nga blue book ug ubang mga ebidensiya si Jaguar sa wala pa mapatay sa operasyon sa kapulisan sa kaulohan uban sa mga sakop sa Police Regional Office (PRO) 7.

Nag-trending ug natay-og ang imahe sa Philippine National Police dihang duha sa mga retired police general nga mga kanhi opisyal sa PRO 7 ang ginganlan ni Duterte nga giingong mga protector sa sindikato sa ginadili nga drugas sa nasod.

Apil niini, si retired police deputy director general Marcelo Garbo Jr. ug ang nidaog pagka mayor sa Daanbanta­yan, Cebu Vicente Loot, retirado nga opisyal sa PNP.

Laing tulo ka mga o­­­pisyal gitumbok usab ni Du­terte nga mga protek­tor nga sila si kanhi National Capital Region Police Office head Director Joel Pagdilao, kanhi Quezon City Police District director Chief Supt. Edgardo Tinio ug Western Visayas regional director Chief Supt. Bernardo Diaz.

Ginganlan usab ni Du­terte ang tulo ka mga dagko nga drug lords sa nasod nga sila si Wu Tuan alyas Peter Co, Herbert Colanggo alyas Ampang ug Peter Lim alyas Jaguar.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph