ABANTE na sila Allan Cantonjos, National Master Levi Mercado ug Paciano Gulle sa grandfinals human milanding sa unang tulo nga pwesto atol sa Goldcrest Marketing Corporation Chess Challenge Qualifying Leg niadtong Dominggo sa Capitol Chess Club.
Nisurprisa sab sila John Mark Torres sa West City Central School, Arnel Etgio sa Puntod Elementary School ug Jeniel Gonzaga sa Macanhan Elementary School sa 13-below category.
Naangkon ni Torres ang unang pwesto, samtang nilanding sila Etgio ug Gonzaga sa ika-duha ug ika-tulo, sunod-sunod, aron maapil sa grandfinals nga ipahigayon karong Dominggo.
Nakadungog nako daan ni Torres nga usa sa mga umaabot nga kusog sa dakbayan apan wala nasurpisa ko sa resulta nila Etgio ug Gonzaga.
Kung dili ko masayop kang Etgio, duda ko sige na siya dula anang naay gamay nga chess club sa block 4, Barangay Puntod nga gipasiugda ni Carl Michael Batucan.
Usa sa nailhan nako nga medyo nikusog gikan diha mao si Christian Aquino.
Padayona na inyong mga lakang diha sa Puntod ug duola si Kagawad Honey Joy Amarga kay nagsaad siya nga moprint ug ubay-ubay nga chess books alang kaninyo. Ayaw kaulaw kay sponsored kana sa Australia.
Congrats sa mga mananaog.
*****
Naay dula ni Filipino-American Grandmaster Wesley So sa Chess Olympiad nga naenganyo ko.
Sa chess database akong nakita, mosulod si So sa classical variation kung adunay mogamit og King’s Indian Defense batok kaniya.
[Event "Chess Olympiad"][Site "Baku AZE"][Date "2016.09.04"][EventDate "2016.09.02"][Round "3.8"][Result "1-0"][White "Wesley So"][Black "Federico Perez Ponsa"][ECO "E99"][WhiteElo "2782"][BlackElo "2585"]
1. Nf3 Nf6 2. c4 g6 3. Nc3 Bg7 4. e4 d6 5. d4 O-O 6. Be2 e5 7. O-O Nc6 8. d5 Ne7 9. Ne1 Nd7 10. Be3 f5 11. f3 f4 12. Bf2 g5 13. Rc1 Rf7 [Sa King’s Indian, buot moatake ang itom sa kingside samtang ang puti didto sa queenside. Apan, gikinahanglan nga paspas ang puti nga makaabri sa queenside. Kay dumdumon nato nga ang itom galakag sa haring puti. Sa niining posisyon, nakakita si So og paagi unsaon pag-abri]
14. c5!! Nxc5 15. Bxc5 dxc5 16. Bc4 Kf8 17. d6 cxd6 18. Bxf7 Kxf7 19. Nb5 d5 20. Rxc5 Be6 21. Nc7 dxe4 22. Qc2 Qd4+ 23. Kh1 Rd8 24. fxe4 g4 25. Nxe6 Kxe6 26. Rc7 b5 27. Qb3+ Kd6 28. Nc2 Qa4 29. Qc3 Ke6 30. Re1 Qa6 31. Nb4 Qd6 32. Nd5 Rd7 33. Nxf4+ exf4 34. Qb3+ Ke5 35. Qxb5+ Ke6 36. Qb3+ Ke5 37. Qc3+ Ke6 38. Rxd7 Bxc3 39. Rxd6+ Kxd6 40. bxc3 Ke5 41. Rb1 Nc6 42. Rb7 f3 43. gxf3 gxf3 44. Rc7 1-0
r