SI KATHERINE Espín maoy gikoronahan nga Miss Earth 2016 sa pageant's grand coronation night niadtong Sabado sa Mall of Asia Arena sa Pasay City, ug maoy nisunod sa Filipina beauty queen nga si Angelia Ong.
Ang pambato sa Pilipinas nga mao si Imelda Schweighart wala nakasulod sa top 16 ug sayo nga mi-exit.
Ang pambato sab sa Sweden nga si Cloie Syquia Skarne, half-sister ni KC Concepcion, nakasulod sa Top 8.
Back to back nga naangkon sa Pilipinas ang korona sa maong titulo diin si Ong tuig 2015 ug 2014 titleholder mao si Jamie Herrell.
Ikaduha usab kini nga higayon nga naangkon sa Ecuador ang titulo.
Uban mananaog gilangkoban nila ni Miss Earth Air Michelle Gomez sa Colombia, Miss Earth Water Stephanie De Zorzi sa Venezuela ug Miss Earth Fire Bruna Zanardo sa Brazil.
Usa ka model ug cosmetologist, ang 23 anyos nga si Espin niingon nga palapdan iyang adbokasya ngadto sa mga batan-on ang ka-importansya sa pagpreserba sa kinaiyahan.
"I chose this because I believe that the best age to teach a person to have environmental conscience is at an early age because on their growing years they will learn to have respect towards the environment which will help to the future generations," pasabot niini.
"I truly believe that there should exist on every academic pensum an environmental class and I will work hard on it to make it possible," dugang niini.