GIINGONG giakusahan ni Miss Philippines-Earth Imelda Schweighart ang Miss Earth 2016 nga si Miss Ecuador nga nagpaubos og cosmetic surgery aron mas mogwapa.
Nag-viral sa social media ang video ni Schweighart nga gi-bash ang bag-ong gikoronahan nga si Katherine Espin.
“Yung nanalo, peke ilong, peke pa baba, peke pa (points to chest). Miss Earth, dapat natural 'di ba?,” matod ni Schweighart sa iyang fans.
Ang 21 anyos nga si Schweighart, usa ka tinun-an sa college ug aspiring actress gikan sa Puerto Princesa wala nakasulod sa kompetisyon sa top 16.
Human napildi sa kompetisyon nag-post kini og video nga nagsul-ob og gown nga gidesinsyon ni Leo Almodal.
“Philippines didn’t get in but here’s the gown I was supposed to wear. Made for me by Leo Almodal,” matod ni Schweighart.