NAG-RESIGN na isip Miss Philippines Earth si Imelda Schweighart.
Gikumpirma kini sa Carousel Productions executive vice-president nga mao si Lorraine Schuck pinaagi sa pakigsulti sa CNN Philippines niadtong October 31.
Matod ni Schuck, iyang naestorya si Imelda ug ang inahan niining si Annabeth Bautista tungod sa viral video sa Pinay beauty queen diin iyang gisaway ang Miss Earth 2016 winner nga si Katherine Espin sa Ecuador.
Sa maong video kahinumduman nga samtang kaestorya iyang fans madungog nga iyang gisulti, “Yung nanalo peke ilong, peke baba, peke boobs! Miss Earth, dapat natural.”
“They voluntarily resigned. She can’t handle it anymore,” matod ni Schuck kalabot sa pakigsulti niini sa mag-inahan.
Plano sa inahan ni Imelda nga kuhaon ang anak balik sa New Zealand aron maprotektahan kini sa online threat ug bashing.
Si Miss Philippines Air 2016 Kiara Giel Gregorio maoy gikatakdang ihulip kang Imelda ug maoy motapos sa iyang obligasyon isip Miss Earth Philippines.
Si Gregorio ang miapil sa maong beauty pageant isip representante sa Pinoy community sa London.
Samtang sa laing interbyu sa CNN kang Imelda nangayo kini og pasaylo.
“If it’s a crime to tell the truth, I’m sorry. I didn’t mean to offend Miss Ecuador… I don’t know her enough but she was my roommate,”
Depensa ni Imelda nga mismong si Katherine Espin ang nagsulti kaniya kalabot sa mga kabag-ohan niini sa lawas.
Mialma usab siya sa mi-upload sa maong video.
“You put a side of a person’s integrity out there. What is that? Hindi makabayan 'yon. Hindi ako bitter.”
Human migawas ang maong viral video kahinumduman ni-upload sab dayon kini og video diin makita nga iyang gisul-ob ang gown nga unta siya ang magsul-ob apan gihatag sa Ecuador.
Wala malakip sa top 16 si Imelda.