TAGBILARAN CITY - Nalangkat sa Holy Name University Chorale (HNUC) ang gold medal sa 1st Lanna International Choir Competition ubos sa Mixed Choir Category nga gipahigayon didto sa Chiang Mai, Thailand niadtong Oktobre 19-23, 2016. Samtang nakuha usab sa HNUC ang silver medal ubos sa folklore category.
Tumong sa kompetisyon nga makahatag og lapad nga oportunidad ngadto sa tanang chorale groups sa tibuok kalibutan diin ilang gipasundayag ang ilang talento ug mapaila ang ilang nasud nga girepresenta.
Dako usab kini nga garbo diin sa 33 ka mga grupo nga mi-audition, usa sila sa lima ka napili nga mi-advance ngadto sa final competition diin ang atong nasud duha ka grupo ang nirepresentar, usa sa Luzon ug Vsa isayas mao ang HNUC.
Grabeng kalipay ang nabati sa Holy Name University ug sa ilang conductor nga si Fr. Irvin Garsuta, organizer nga si Ellen Simbajon ug mga voice coaches nga sila si Ritchie Araneta Asibal ug Liz Cal ug sa 21 ka mga estudyante nga miyembo sa HNUC ilabina sa tibuok probinsiya sa Bohol sa laing pasidungog.