Northern Mindanao aduna pay 16 mil adik

DUNAY pay mga 16 mil nga nalambigit sa ilegal nga droga sa tibuok Northern Mindanao nga maoy target karon sa kapolisan alang sa ilang Project Double Barrel Alpha.

Kini ang gikumpirma ni Police Superintendent Surki Sereñas, tigpamaba sa Police Regional Office 10 dihang nahinabi sa SunStar SuperBalita kinsa niingon nga kining maong gidaghanon naglakip sa mga user ug pusher.

Lakip na usab niining maong gidaghananon ang mga prominenteng personalidad nga nalambigit sa drugs.

Ang PRO aduna nay 78,000 ka mga surrenderees, 800 ang naaresto ug 34 ka mga napatay sa lehitimong operasyon ug kinatibuk-an nga P27 million balor sa ginadili nga droga ang nasakmit.

Back to zero

Samtang balik sa sinugdanan ang giyera kontra droga sa PRO karong panahona.

“Our accomplishments tally is reset back to zero!” kini ang deklarasyon ni PRO Regional Director Noel Constantino atol sa ilang conference niadtong niaging adlaw kauban ang mga dagkong opisyal sab sa kapolisan sa Northern Mindanao.

Gitawag kining Project Double Barrel Alpha tungod kay tutukan sa kapolisan kadtong mga prominente sa sosyodad sama sa mga empleyado sa gobyerno, sundalo, kapolisan ug mga businessman.

Taliwala gikatakda pa kining ilusad pipila ka adlaw gikan karon sa tibuok nasod, una na nga gipahibalo ni Constantino nga buot niyang makuha sa kapolisan ang target sa dili pa matapos kining tuig.

Sa bahin ni Sereñas, gibutyag niini nga ang paagi sa operasyon aron sab maubsan ang mga pagpamatay nga nahitabo ug ang sentro mao ang pagsikop sa mga high value targets.

Giklaro usab ni Sereñas nga dili dugoun kini nga operasyon sa ikaduhang hugna tungod kay naila na ang mga nalambigit niini ug sila mohangyo gihapon niining mga tawhana nga mobalik na sa normal nga kinabuhi tungod kay lakip sa ilang gitanyag ang rehabilistasyon kanila.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph