MAMAHIMO kita nga makapili sa daghang mga dalan kung asa kita moagi, apan lahi ra gayud ug way igsama ang dalan nga atong maadtoan, labi na kung kini maoy dalan nga alang gyud kanato.
Ang atong bida karong adlawa nga si Dionesio Jaoao Tarepe, nakita ang iyang pasyon ug kadasig sa fashion designing human sa mga katuigan gikan sa usa ka karera sa kinabuhi nga ngadto na sab sa laing usa nga gigikanan.
Graduwado siya sa kursong Bachelor of Arts in History in Mindanao State University. Graduate sab siya sa Fashion Design School (Jingdough FS) sa Zhuhai, China, ug nahuman sab niya ang Bachelor of Science in Nursing sa Mindanao Medical Foundation College.
Multi-awarded designer siya ug nagtrabaho sa Chardin, usa ka fashion house sa Davao City diin nagsugod ang iyang karera sa Chardin sud na sa pito ka tuig sugod 2008.
Grand slam winner sab siya sa Sagala Gown Competition, Two-time ug four Runner-up sa Moda Mindanao Competition; Finalist sa Look of Style Awards, shortlisted sab sa Project Runway Philippines Season 3; Grand Winner sa Batik-Batik Dress didto sa nasud Thailand; Best Designer of the year sa 2011 didto sa China.
Kining tanan, anaa sa taas apan suma niya anaa siya kanunay sa ubos, low profile lamang ang iyang kinabuhi.
"Bata pa lang ako mahilig na talaga akong mag-design, pero ang family ko kasi yung somehow typical na family, so patago ko'ng ginagawa, ginagamitan ko ang mga Barbie dolls ko nang patago," sulti sa atong bida.
Iyang giangkon nga ang iyang pagka-siya karon, tuig 2005 lamang kini nadawat sa iyang pamilya, labi na ang iyang amahan nga giingong wa magtuo nga ingon niini siya diha sa unang higayon.
"Akala ko mas mahirap sa side ng Papa ko, pero mali pala mas madali kay Papa, sigurado ba daw ako na ganoon ako so 'yun. Si mama medyo hysterical at naghahanap pa nang way baka raw na-impluwensyahan ako ganun. Alam ko man ito, matagal na, pero nahihiya at natatakot lang ako kasi alam ko naman kung gaano ka ayaw ni Papa," saysay niya.
Human niini, nakahukom siya nga moapil sa Chardin aron mas mapalambo pa ug makita ang iyang talento.
"I did not expect na magiging full-time designer ako kasi ano s'ya, passion ko, hindi talaga ito ang aking kurso at plano ko ring maging nurse sa ibang bansa," giingon niya.
"Ang pagiging fashion designer kasi, pag-gusto mo s'yang magagawa, madali lang. Yung factor na mahihirapan ka lang, ang pag-de-deal sa mga kliyente, minsan doon lang, ang medyo mahirap na part. Wala namang problema," dugang niya.
Sa iyang kinabuhi, gihugutan niya ang motto sa iyang kinabuhi nga kinahanglan maayo, buotan ug manggiluy-on sa isi'g katawo.
Sa iyang mga designs namugna kini gikan sa iyang mga kasinatian, diha sa palibot, sa nagkadaiyang porma, kultura ug sa katawhan ingon man sa iyang pag-abot sa mga nagkadaiyang lugar.
"I am into arts talaga. I love to travel, mahilig ako culture, mahilig akong mag-meet ng iba't ibang klase ng tao, mahilig akong pumunta sa iba't ibang lugar na kahiligan ko," ingon niya.
r"Gusto kong gumawa ng sarili ko na, at gusto ko i-cater lahat yung wala akong pinipiling kliyente. Gusto ko equal, at para makapagbigay rin ako ng trabaho sa karamihan," dason niya.
Ang atong Surigao born designer nga bida, nagpuyo uban ang iyang pamilya ug mga pag-umangkon sa Rolling Hills, Bacaca, siyudad sa Davao nga mao sab ang temporaryo nga dawatan nga dapit sa iyang mga kliyente.
Bisan unsa pa nga kurso atong natapos, kung dalhon kita sa kapalaran sa usa ka trabaho nga layo sa atong nahuman, mangangha nalang kita niini, uban sa pagdawat sa mga butang, gumikan sugo kini sa panahon ug angay natong panggaon.
Kanimo, Sir Dionesio Jaoao Tarepe, saludo kami sa imong kakugi sa kaugalingon.