ANG Ateneo de Davao University (ADDU)-Unit 6 mitala og "three-peat victory" human nakabulawan sa Davao City Athletic Association (DCAA) Meet 2016 secondary girls futsal tournament sa ADDU Fr. Martinez covered court sa Matina, dakbayan sa Davao.
Naka-eskapo ang Unit 6 sa Philippine College of Technology (PCT) sa Unit 5, 6-4, sa pagpaluyo nila Julien Meredith Mirto, Patricia Erika Francisco ug Joannah Marie Adao kinsa naka-goal.
Si Unit 6 coach Rachelle delos Reyes miingon ang ilang unang goal keeper nakahiagom og injury atol sa Jesuit Athletic Meet 2016 mao ang ikaduhang goalie Jessica Marie Pido nga maoy mialsa sa tim.
"Malaking contribution yung performance nya (Pido) with the help of two-time Palaro players Angela Bea De Luna, Adao and Francisco," niya pa.
"They showed na gusto nilang manalo by giving their best. Daghan pa ang angay i-improve since all of them sa football nag-start. Futsal man god is more on skills, speed and quick decision making," dugang niya sa ilang over-all performance.
Apan, suma ni Delos Reyes, karong tuiga ang pinakagahi nga Dcaa Meet alang sa grupo diin ang ilang mga kalaban nangandam pag-ayo.
Niya pa, ang Unit 5 mas mipanindot sa ilang duwa diin midala og 4-4 deadlock atol sa ika-duhang half sa championship match.
Plano niya nga iapil si PCT player Joyce Semacio, kinsa nakapuntos og hat trick sa torneyo padulong sa Davao Region Athletic Association (Davraa) Meet 2017-bound Davao City futsal team.
Iyang gikonsidera si Semacio isip "extraordinary" player.
Ang Unit 6 gidulaan nila Julianna Raine Taojo, Chiyo Jan Marasigan, Alessandra Ysabel Aquino, Kyana Alexandra Dimaandal, Angelica Beatrx Magno, Yunika Maria Angala ug Shanelle Charllyne Ostan kauban si Julio Orcasitas, Jr. isip assistant coach.