ALEGRE na usab ang mga mahilig sa pelikula kay karong sunod buwan ang kanunay natong paaboton nga Metro Manila Film Festival sugdan na karong Pasko.
Daghan tang mga pelikulang nahibaw-an nga mo-join sa maong festival matag tuig. Malipayon ang mga moviefans kay ila ning panahon aron suportahan ang pelikula sa ilang paboritong artista, sama nilang Vic Sotto, Vice Ganda ug mga sequel sa miaging klik nga pelikula ang giatngan na karon sa tanan.
Mag-uban sad silang Ai-ai delas Alas ug Megan Young sa Regal films nga "My Mighty Yaya". Balik-Regal ang Ai-ai ug una sab kining pelikula ni Megan human siya nakoronahan nga Miss World. Makauban sab nila si Zoren Legaspi ug Sofia Andres kauban ang mga batang ilang yaya-han nga sila si Alyson Mcbride ug Lucas Enrique.
Duna say "Kabisera" ni Nora Aunor, Ricky Davao ug Perla Bautista, "Die Beautiful" ni Gladys Reyes, Paolo Ballesteros, Joel Torre, Luis Allandy ug Albie Casino.
"Ang Babae sa septic tank 2" ni Eugene Domingo, Kean Cipriano, Cai Cortez ug Khalil Ramos may "Enteng Kabisote 10 and the Abangers" nilang Vic Sotto, Jose Manalo, Bea Benene, Wally Bayola, Oyo Boy Sotto ug uban pa.
Laing komedi ang tema "Super parental guidance" nilang Vice Ganda, Onyok ug Awra. Naa pa’y "Mang Kepweng Returns" ni Vhong Navarro, Jaclyn Jose, Sunshine Cruz, Kim Domingo ug Lotlot de Leon.
"Mano po 7 tsinoy" nilang Richard Yap, Janella Salvador, Marlo Mortel ug Jessy Mendiola may "James and Kath and James" nilang Julia Baretto, Ronnie Allonte ug Joshua Garcia.
Ang para panghadlok nga pelikulang "Oro" ni ZJoem Bascon ug "Seklusyon" nilang Dominic Roque ug Ronnie Allonte.
Kon kinsa man ang mahimong opisyal nga entry ato lang unyang hashasan dinhi ug balik. Naa na ra bay daghang bag-ong balaud karon nga ipahimutang sa mga bag-ong opisyales o nagdumala sa MIFF.
Apan bisan kon dili makasulod ang atong paboritong pelikula, nakaseguro kong alegre gihapon ang atong Pasko ug Bag-ong Tuig sa pagnunot ug suporta nato sa mga pelikulang Pilipino, ay'g saba!