SPOTTED nga nag date sa Singapore si Miss Universe 2015 Pia Wurtzbach ug ang car racer nga si Marlon Stockinger.
Niadtong Lunes, November 28, nag-post si Pia sa iyang Instagram account og hulagway nila ni Marlon nga nagakos.
Nag-share sab si Pia sa “Stories” feature sa Instagram og blurred photo nila ni Marlon.
Apan makita dinhi nga nakahupot si Pia sa tiyan nga bahin ni Marlon, samtang nakakapot sab ang car racer sa hawak ni Pia.
Sa Instagram account ni Marlon, nag-post kini og hulagway nila ni Pia sa ilang dinner date.
Daghan sab mireak sa heart emoticon nga gi-post ni Pia sa Twitter. (SVB)