NALANTAWAN sa Information Technology and Business Process Association ang padayon nga pagtubo sa IT ug Business Process Management Industry (IT-BPM) sa nasod gumikan sa paglapad sa patigayon.
Ang IBPAP nipahigayon sa 8th International IT-BPM Summit (IIS) uban sa tema nga “Accelerate PH, Future-ready,” aron pagsaulog sa makanunayon nga kalamposan sa Pilipinas ug naghan-ay og mga plano alang sa kaayohan sa nasod sa umaabot nga katuigan.
Ang 8th ISS nagsugod sa duha ka adlaw nga kalihokan pinaagi sa paglusad sa Roadmap 2022, nga nagdasig sa mga partner associations ug technical working groups aron hisgotan ang framework niini.
Si Jil Bausa-Go, Vice President for Content alang sa Consumer Business Group sa Globe Telecom, mao ang plenary speaker sa kalihokan ug nituki kon unsaon pagpalambo sa serbisyo sa IT-BPM companies pinaagi sa pagpasinati sa mga kliyente pinaagi sa teknolohiya.
“We, as customers do not just want to absorb messages. We want to be a part of it. It’s important that we take advantage of our technology’s speed to make it easier to connect with clients and to remain their principal choice,” matod ni Jil.
Sa kalihokan, ang IBPAP niapudapod sa iyang Flare Awards 2016 ngadto sa mga miyembro nga nagpakita og kabag-ohan ug padayon nga naghatag og kadasig sa ilang industriya ug sa komunidad.
Ang Globe Business, ang enterprise information ug communications arm sa Globe Telecom, ang niapil sa awarding ceremony pinaagi pagpresentar sa Shift 2016 Awards.
Ang mga mananaog mao ang mosunod: Jaime Bargan Jr. ug Eliza Vanessa Villapando sa Yondu, Inc.; 3rd place ug nakadawat og P40,000 nga ganti; 2nd place sila si Warner Doroja Jr., Sherry Ann Sambas, John Robby Corleo See, ug Arvin Paguipo sa Converga Asia, Inc., P60,000 ang ganti nga ilang nadawat; samtang, sila si Apurva Vora, Gaurav Banga, Anna Ruth Navalta, ug Ray Carlo Villanueva sa Hinduja Global Solutions ang gipasidunggan sa unang ganti ug nidawat og P100,000.
Gawas sa Shift Awards, si Globe Chief Commercial Officer Albert de Larrazabal nitunol sa IBPAP-Globe Sapphire Flare for Brilliance Award ngadto ni Monchito Ibrahim, isip maoy instrumento sa inclusive growth ug nag-ila sa strategic opportunities sa sunod sa mga siyudad sa nasod.
Si Mike Frausing, Senior Advisor for Enterprise ug IT Enabled Services Group sa Globe, namulong nga ang teknolohiya naghatag og kausaban, apan pinaagi niini nga kausaban naa usab ang mga hagit. PR