Sulayan sa mag-ama nga Beberino nga depensahan ang ilang dungog sa 3rd Game of the Generals Open Tournament karong adlawa sa SM Cagayan de Oro.
Ang amahan nga si Bong ug anak nga si Joshua nikampyon sa ikauna ug ikaduha nga torneyo, sunodsunod.
Apan, nagkagahi ang hagit karon kay daghan mosulay sa ilang asido sama ni Alex Jalop, Silverio Abasolo, Kevin Tablando, Paciano Gulle, Jeriel Manlimbana, Lyndon Lumancas ug Mario Arroyo.
Matod ni tournament organizer Noel Candelario nga dili lang sila ang mosulay sa hagit batok sa mga Beberino.
"Daghan gusto mosulay ug daghan gapreparar kanila ug gani gipakita sab ni Bong sa pagensayo sa SM nga angay sab siya kahadlokan," ingon ni Candelario.
Kampyeon niini modawat pg Php 3,000 ug trophy samtang ang ikaduha ug ikatulo mouli og Php Php 2,000 ug Php 1,000 ug adunay trophy.
Mas bibo pa gyud pagkaugma diin sundan kini og Inter-Company ug Inter-Barangay Team Tournament. Nag-una sa listahan ang panag-uban sa mag-ama samtang uban sab bibo sige pangita og kauban kay gibahin-bahin ang mga kusog ni Candelario.
"Katong nailhan nga kusog kaayo, duha ra ang ibutang sa matag team para equal ang away," ingon ni Candelario.
Mouli og Php 10,000 ug trophy ang mokampyeon, samtang Php 7,000 ug Php 4,000 ug pulos naay trophy sa ingnana nga pwesto.