UNA nakong biyahe gawas sa nasod mao ang mga nasod sa Malaysia ug Singapore.
Nanukad m sa Kuala Lumpur International Airport (KLIA 2) ug nag-bus me paingon sa Singapore.
Alas 11:00 sa buntag mi nigikan sa Kuala Lumpur paingon sa Singapore ug hapit alas 4:30 sa hapon na dihang naabot namo ang Immigration sa Singapore.
Unang higayon nako ug usa ko sa mga turista sa ilang nasod nga gipaubos og dugang pa nga seguridad, in short gipasaka ko.
Kulbaan ko, kay wa diay kahibawo akong mga kauban nga gipasaka ko alang sa dugang nga mga pangutana, kasagaran wa kaabot og minutos ang pagtatak sa mga officer sa immigration sa imong passport.
Tip sa tanang first timer, chill lang, dad-a ang tanang identification cards (IDs) nga imong kinahanglan, return flight details, imong kwarta, giukay intawn akong kapin USD400.
Finally, nakaginhawa ko human sa 30 minutos nga hinuwat ug pagpangutana kay approve ug natatakan akong passport nga 30 days entry.
Another tip, kun moadto kag Singapore from Malaysia, pagdala daan og Singaporean Dollars o coins aron magamit nimo sa bus paingon sa train station.
Tungod kay tulo ka adlaw ra mi sa Singapore, ni-avail ko sa tulo ka adlaw nga unlimited tourist pass diin nagkantidad kini og SGD50 apan take note, refundable ang SGD20 niini inig uli nimo sa card.
Tourist Pass kini diin unlimited access sa LRT, MRT ug bus.
Nag-budget ra ko og USD200 alang sa akong Singapore stay, lakip nana ang pagkaon, accommodation ug laag.
Hinuon, nag-hostel ra mi sa akong friends ug akong i-recommend ang Footprints, naa siya Perak Road, sa Rochor.
Laing tambag, pilia ang libre nga mga laaganan like Merlion, Gardens By The Bay, Botanic Gardens, Little India, Chinatown ug uban pa.
Sayon ra kaayo tultolon tungod kay ang mga train station niini gipangalan sa ilang tourist spots pareha sa Botanic Gardens, Chinatown, Little India.
Wa mi nakaadto sa Sentosa diin mabisita ang Universal Studios tungod kay mahal light akong wish nga roller coaster.
Usa sa angay usab nga di angay sipayaton pagbisita ang Wonder Full Fountain Show sa Marina Bay Sands.
Yes, Libre sab ni.
Makita ni Huwebes hangtod Dominggo sa alas 8:00 sa gabii ug 9:30.
Sa Biyernes ug Sabado, naay show sa alas 8:00, 9:30, ug 11:00 sa gabii.
Kinahanglan on-time ka kay 15 minutos ra kini nga show.
Wonder Full ang tawag tungod sa kanta niini nga ‘What a Wonderful World’ ni Louis Armstrong.