Aguilas kontra PCT sa Acosta Finals, karong Dominggo

ANG defending champion Aguilas Davao ug Philippine College of Technology (PCT) magkontra sa 13th Acosta Cup Ladies Football Tournament sa Dominggo, alas 2 sa hapon didto sa Tionko Field ning dakbayan.

Ang nabutang sa ikatulong puwesto mao ang D' Davao Survivors.

Atol sa Davao Sportswriter Association (DSA) Forum didto sa NCCC Mall Davao 2nd floor Food Cove Function Hall Huwebes, Disyembre 8, gipahayag ni legal researcher Luna Acosta nga human sa kampeyonato ang iyang inahan ug First District Councilor Mabel Sunga Acosta maoy manguna sa awarding rites.

Niya pa nga si Councilor Acosta ang personal motunol sa medalya, tokens, shirts, certificates ug tropeyo sa mga mipartisipar nga tims.

Gawas sa matag tuig nga torneyo alang sa mga kababaihan duna sab silay laing plano apan di una pa masulti ni Luna alang sa sunod tuig.

Nagpasalamat sab si Luna sa mga misuporta sa kompetisyon nga Vibrant Earthmovers Inc., Jollibee, Tadeco, NCCC, RDL Pharmaceutical Laboratory Inc., Southern Tourist Inn, Ulticon Builders Inc. ug Norminring KTM.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph