PADAYON ang buhatan sa Department of Social Welfare and Development (DSWD) sa pag-pang apod-apod og tabang ngadto sa mga pamilya nga apektado sa operasyon sa militar batok Maute group sa Butig, Lanao del Sur.
Ang mga social workers gikan sa field office ang gipahimutang na usab aron maoy mangulo sa pagpang-apod apod sa mga relief.
Sa kasamtangan, mokabat sa 1,203 ka mga family food packs ang naapod-apod sa mga bakwit kinsa kasamtangan nanimuyo karon sa silingan nga barangay, evacuation center.
Adunay nahatag sa Barangay Samer nga 123 family packs, Barangay Bayabao - 500 family packs, Mipantao Primary School - 140 family packs, Raya Timbab Madrasah - 360 family packs, ug Raya Timbab Multi-Purpose Center - 80 family packs.
Gibutyag ni DSWD-Soccsksargen Director Zorahayda Taha kinsa maoy nangulo sa relief operations, nisulti nga bout nilang ipaniguro nga ang mga pamilyang apektado sa giyera ang mahatagan og saktong tabang.
“We ensure that all families who were affected by the armed conflict are provided with appropriate assistance and interventions apart from the family food packs. We ask that our military partners will help us ensure that families in the evacuation centers are able to return safely to their communities.”
“Our call is for the clashing forces to respect the rights of the civilians and spare them from harm, especially the children,” dugang sab niini.
Una na nga gibutyag ni DSWD Secretary Judy Taguiwalo nga parte sa kamandoan sa DSWD ang mohatag og diretsong tabang ngadto sa mga Filipino nga nanginahanglan. (SVB)