NAGPAABOT og kadismaya si Jaclyn Jose sa ABS-CBN kini tungod kay wala man lang gibalita ang pagkadaog sa iyang anak nga si Andi Eigenmann isip Best Actress sa 64th Famas Awards.
Gipahigayon ang awards night sa Century Park Hotel niadtong Dominggo, December 4.
Midaog si Andi tungod sa pagdala niini sa pelikula nga Angela Markado, ang remake sa 1980 film nga gibidahan ni Hilda Koronel.
Matud ni Jaclyn diin gipagawas ang iyang gibati sa comment section sa Facebook post ni Andi.
“Andi, I was so disappointed with your network na hindi man lang linabas sa news ang pagkapanalo mo. Nevertheless, you are a winner in my heart. In Ellie’s heart. You have your trophy. I hope your network will recognize your win. I love you most,” matud ni Jaclyn.
Daghan sab ang mikomento nga posibleng tungod kay ang pelikula niini gikan sa Viva Films ug dili sa Star Cinema nga maoy gipaluyohan sa kapamilya hinungdan nga wala kaayo gihatagan og pagtagad sa network ang kadaogan ni Andi.
Hinuon, migawas lamang ang report sa pagkadaog ni Andi sa Famas sa programa lamang nga “Tonight with Boy Abunda.” (SVB)