MALAMPUSON ang Aguilar Dabaw sa pagdepensa sa ilang titulo human gipildi ang Philippine College of Davao (PCT), 2-1, sa sa 13th Acosta Cup Ladies Football Tournament didto sa Tionko Field niadtong Dominggo, Disyembre 11.
Si Rozianne Joy Rivera sa Aguilas unang nakapuntos sa 21st minutos sa unang quarter samtang midugang si teammate Marice Magdolot og ika-duhang goal sa unang 21 minutos sa ika-duhang period.
Sa 10 minutos nahabilin, PCT’s Aiza Gravador mipakurat human naka-goal apan pakyas makahimo pa aron mapakyas ang Aguilas.
Gipahayag ni Coach Jessie Gravino sa interbyu sa SunStar Davao, ang iyang kalipay sa kadaugan labina kusog ang kontra, “we prevailed in the later part kasi nag-loose na yung defense nila dahil nag focus sila sa offense.”
Ang Aguilas Dabaw gidulaan nila Celina Simone Jaldon, Riann Mari Arcega, Jenka Cantilla, Bianca Nicole Carillo, Joannie Del Rosario-Jovenal, Patricia Anne Fabello, Jerilyn Kaletuang, Marice Magdolot, Marie Magdolot, Kim Maligad, Gabriela Medina, Thelma Pangumpia, Ara Monica Sabejon, Marion Mari Suzara, Jennie Elvey, Angel Nicki Velasco, Cherry Mae Vilchez ug Nina Ricci Yanto.
Samtang sila First District Councilor Mabel Sunga-Acosta ug Councilor Edgar Kap Ibuyan anaa sa torneyo nga mitunol sa premyo.
Ang PCT ug D' Davao Survivors nabutang sa sunod nga duha ka puwesto sa torneyo nga gi-organisa sa Team Acosta ug gisuportahan sa City Mayors Office, Vibrant Earthmovers Inc., Jollibee, Tadeco, NCCC, RDL Pharmaceutical Laboratory Inc., Southern Toursit Inn, Ulticon Builders Inc. ug Norminring KTM. (ABM)