ANG Davao City Police Office (DCPO) nagpasalig nga dunay igong ihap sa kapulisan nga magbantay sa siyudad Pasko Fiesta sa Dabaw 2016.
Si DCPO spokesperson Police Senior Inspector Catherine Dela Rey nagsulti nga nagmando na karon si DCPO Director Michael John Dubria sa tanang station commanders nga mag-deploy og igong gidaghanon sa kapulisan sa mga dapit diin himuon ang tanang aktibidad.
Suma ni Dela Rey nga gimando na sa direktor sa kapulisan nga pakusgon ang pagpatrolya sud sa area of responsibility sa matag presinto.
Gawas sa pagpatrolya, ipatuman sab ang istriktong pag-obserba sa Police Operational Procedure sa pagbantay sa palibot.
Dugang sa opisyal nga pakusgan sab ang visibility sa mga nakaunipormeng personahe sa kapulisan sa mga dapit diin gihimo ang aktibidad.
Pinaagi niini, suma sa kapulisan, ilang mahatag ang hapsay ug malinawon nga Pasko Fiesta sa Dabaw 2016. (AD)