Espenido i-assign sa Misamis Occidental?

WALA pay reaksyon ang kapolisan sa giingong pagbalhin ni kanhi Albuera Leyte Police Chief Jovie Espenido uban sa laing 15 ka kauban dinhi sa Police Regional Office (PRO)-Northern Mindanao niadtong Lunes, Disyembre 19.

Si PRO spokesman Surki Sereñas nibutyag dihang nahinabi sa pipila ka sakop sa prensa lakip ang SunStar SuperBalita nga wala pay direktiba kon asa i-assign si Espenido labina nga niadtong Martes ang turn-over of command ni Police Chief Superintendent Noel Constantino ngadto sa bag-ong Regional Director nga mao si Police Chief Superintendent Agripino Javier.

Matud ni Sereñas nga basi sa iyang nadawat nga report, gikatakdang i-assign sa Misamis Occidental si Espenido lakip ang 15 ka mga polis nga kauban niini.

Kahinumduman nga si Espenido ang usa sa ginganlan sa drug dealar nga si Kerwin Espinosa nga giingong lakip sa nalambigit sa ginadili nga droga.

Matud ni Sereñas nga dili lang husgahan diretso ang mga polis labina sila lakip sab nga gi-monitor ang kalihokan ning panahona.

Kahinumduman pipila ka mga dagkong pulitiko sa dakbayan ug probinsya ang dili uyon sa pagbalhin ni Espenido dinhi sa rehiyon.

Apan sa iyang bahin ni Cagayan de Oro City Mayor Oscar Moreno, gibutyag niini nga dili maayo nga dili dawaton dinhi sa rehiyon ang maong mga polis tungod kay posibleng gibalhin lamang sila dinhi sa rehiyon tungod sa kagubot sa Leyte.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph