KABAG-OHAN miabot gyud. Human si Davao City Mayor Rodrigo R. Duterte midaug sa presidential race niadtong Mayo nga nakahatag og daghan oportunidad alang sa Dabawenyos ug Mindanaoans nga misidlak sa isports.
Pagbutang niya kang Sports Development Division of the City Mayor's Office (SDD-CMO) officer-in-charge William "Butch" Ramirez isip mangulo sa Philippine Sports Commission (PSC) Chairman ug kanhi SunStar Davao editor Charles Raymond A. Maxey, miyembro sa Duterte Media Team atol sa presidential campaign, isip Commissioner usa ka dakong alibyo nga mihatag sa Mindanao og maayong representasyon sa PSC Board samtang sa milabay nga administrasyon walay gikan Mindanao sa maong ahensiya.
Si bag-ong PSC Commissioner Celia T. Kiram, ang unang Muslim representation sa PSC, gikan sab sa Mindanao.
Gipili sab isip Commissioners sila PBA legend Ramon "El Presidente" Fernandez sa Cebu City ug Arnold Agustin sa Luzon.
Ang bag-ong PSC Board, mas nakapokus karon sa paghimo og polisiya lakip na niini ang pagtanggal sa matag bulang P500,000 discretionary fund sa Chairman ug P300,000 matag usa sa Commissioners nga anaa sa milabay nga PSC Board.
Ang maong lakang gihimo subay sa mando ni Presidente Duterte nga wagtangon ang korupsyon sa gobyerno.
Nabati sab ang kabag-ohan sa isports diin ang Presidente misugat sa Rio Olympics-bound delegates didto sa Rizal Hall sa Malacanang Palace niadtong Hulyo 18 diin mao ang unang send-off sa Malacanang gihimo sa usa ka Pangulo alang sa Olympics-bound delegation, matud ni three-time Olympian jumper Marestella Torres Sunang.
Mitan-aw sab si Presidente Duterte, kauban ang pipila ka miyembro sa gabinete aron mo-cheered sa Gilas Pilipinas atol sa opening game batok sa tim ni Tony Parker-France team sa Fiba Olympic Qualifying Tournament 2016 niadtong Hulyo 5 didto sa Mall of Asia Arena.
Olympian darling
WEIGHTLIFTER Hidilyn Diaz sa Mampang, Zamboanga City nahimong pinakalit nga "celebrity" human natapos niya ang 20 ka tuig nga way medalya sa Olympic dihang nasungkit ang platang medalya sa Rio Olympics 2016. Siya sab ang unang Pinay ug Mindanaoan midaug og medalya sa maong torneyo.
Tungod niini, si Presidente Duterte mihatag kaniya og dugang P2 million bonus gawas sa mandatory P5 million cash incentive sa nasyonal nga kagamhanang isip Olympic silver.
Gawas niini, ang housing developer 8990 Housing Development Corporation mihatag sab kaniya og bag-ong "house and lot" sa Deca Clark Resort Residences (DCRR) sa Pampanga.
World Class
Gikan sa pagretiro, si Senator Manny Pacquiao mibalik og saka sa ring ug mipakita og impresibong daug kontra WBO Welterweight defending champion Jessie Vargas niadtong Nobyembre 6 didto sa Thomas and Mack Center sa Las Vegas, Nevada.
Gipatumba ni Pacquiao si Vargas sa ikaduhang round aron makuha og balik ang welterweight title pinaagi unanimous decision.
Samtang Jerwin Ancajas sa Panabo City nakoronahan isip International Boxing Federation (IBF) junior bantamweight champion human gipalukapa sa 12-round unanimous decision victory si McJoe Arroyo sa Puerto Rico niadtong Septyembre. Gawas sa US$ 3,700 o P170,000 premyo, nakadawat sab siya og P500,000 bonus gikan kang Senator Pacquiao.
Palaro/Prisaa/Eaga Games
Ang Davao City-bannered elementary boys football team nakabulawan sa 2016 Palarong Pambansa sa Legazpi City, Albay.
Apan si Mea Gey Niñura sa Kapatagan, Digos City mitala og record-breaking golden finishes sa track aron makuha niya ang bulawang medalya sa secondary girls 3,000-meter dayon nasundan sa 1,500m.
Sa unang higayon sa pila ka tuig, ang Davao Region Athletic Association (Davraa) miilog og "spotlight" sa Palaro tungod kang Ni¤ura kinsang unang nakabulawan sa 2016 Palarong Pambansa athletics competition.
Sa 2016 National Prisaa Championships sa Koronadal City, South Cotabato, Davao Region mitapos sa ikatulong puwesto nga dunay kinatibuk-ang 41 bulawan, 65 plata ug 66 bronse.
Mas taas kini kon diin ang rehiyon maoy ikaupat sa milabay nga Iloilo City 2015.
Sa Samarinda, East Kalimantan sa Indonesia, ang Holy Cross of Davao College (HCDC) Crusaders men's basketball team maoy mihatag og usa ug nag-inusarang bulawang medalya sa 9th BIMP-Eaga Friendship Games, uban ang plata ug bronse sa laing isports. Ang Crusaders, ubos ni Coached Ice Gravador, kauban ang Ateneo de Davao University Blue Knights player.
Batang Pinoy
Ang Batang Pinoy 2016 National Championships maoy unang major sporting meet, ubos ni Duterte administration, gihimo sa Tagum City, Davao del Norte nga may rekord 14,000 delegado gikan sa 271 local government units (LGUs).
Sa 24 events gidula sa Tagum City ug duha ka events sa Philsports Arena sa Pasig City, ang Davao City ikatulo sa overall nga dunay 35 bulawang medalya, 44 plata ug 65 bronse samtang ang Baguio City ang mikampeyon.
Ang cycling team maoy nanguna sa Davao City's medal haul nga dunay unom ka bulawan, lima ka plata ug upat ka bronse.
Ang city's karatekas nakaharbat og tulo ka bulawan, duha ka palta ug pito ka bronse.
Ang Judo ug wrestling teams midaug sab og medalya gikan sa magsuong Tancontian, Sydney ug Chino, nga dunay tag-duha ka bulawan matag usa samtang ang badminton team mihatag og duha ka bulawan, usa ka plata ug usa ka bronse.
Si Albert Quintanilla maoy nag-inusarang nakadaug sa arnis team samtang ang girls rugby team nadepensahan ang titulo sa Batang Pinoy samtang ang boys team nakaplata.
Tungod niini, pipila ka Mindanaoans ug Dabawenyos misidlak sa isports bisan kon dunay uban nga wa makadaug apan nagpabiling garbo nga mihatag og kontribusyon sa matag isports sa Pilipinas.
Karong tuiga, laing medalya na sab ang makuha ug mapalambo pa ang isports sa nasud. Malipayong Bag-ong Tuig 2017!