MALIPAYON si Brgy. Ginebra Gin Kings rookie Scottie Thompson sa mga grasya nga iyang nadawat sa miaging tuig hilabi na ang kabahin sa iyang career sa basketball.
Dili ikalimod nga si Thompson maoy usa sa mga magduduwa sa Philippine Basketball Association (PBA) nga nakahimo og grabeng langas hilabi na dihang natabangan niya ang Gin Kings nga makuha ang 2016 Governor’s Cup title.
“Grabe, 2016 ko sobrang blessed kasi sa Ginebra, bago natapos yung taon, nakapag-champion pa kami, tsaka sa career ko din, biglang nag-boom,” matod sa 6’1” nga pointguard sa interbyu sa Spin.ph
Gipasalig ni Thompson nga magpadayon ang iyang kakugi aron mahashasan pa ang iyang abilidad. Bisan kuwangan siya og gitas-on, si Thompson naila nga usa ka mangtas sa rebound.
“Siguro this year, hihigitan ko lang lahat yung mga pagkukulang ko nung 2016,” dugang ni Thompson.
“Hoping din na good conference kami ngayon, good start, at sana makapag-finals ulit.”
Sa kasamtangang Philippine Cup, mius-os ang mga numero ni Thomspon sa opensa ug mao kini ang gusto niyang isaka pagbalik.
Ang kanhi NCAA MVP mibalik na kagahapon sa Manila gikan sa iyang bakasyon sa iyang yutang natawhan sa Davao alang sa labing unang praktis sa Gin Kings sa tuig 2017.