NAGHIKOG ang usa ka 42 anyos nga lalaki sa sud sa pansayan niadtong Sabado sa buntag sa dakbayan sa Naga, Sugbo.
Giila ang namatay nga si Richard Pon Haictin, minyo, taga Barangay Inayagan, dakbayan sa Naga, Sugbo.
Matod sa kapulisan nga ang biktima napalgang nagbitay nga way kinabuhi sa iyang ig-agaw nga si Beltarn Maghinay, 39, taga Dapitan, Dipolog City, stay-in worker isip cooker sa tindahan nga gipanag-iya ni Haictin.
Sa imbestigasyon, nasuta nga si Haictin nigamit og tie wire sa iyang liog sa pagkutlo sa iyang kinabuhi.
Matod ni PO1 Jeremias Caballero nga gisuwayan pa ni Maghinay sa luwas ang iyang ig-agaw ug dali niya gipahibawo ang asawa sa biktima nga si Myrna Haictin ug daling gitangtang sa anak niini nga si Jon Rich Haictin ang higot sa liog sa iyang amahan apan wa na nila kini matabang.
Matod ni Maghinay sa imbestigasyon sa kapulisan nga sa gabii niadtong Disyembre 30, 2016 nga nag-inom sila kuyog ang biktima ug nahuman sila mga alas 11:00 sa gabii sa parehong adlaw.
Matod sa kapulisan, mibutyag ang asawa sa biktima nga ang biktima adunay utang nga 10,000 nga maoy giingong rason sa paghikog sa biktima. Mhike Dominique C. Fernandez, USJ-R BA Communication Intern