NAGTABLA na sa unang pwesto ang Trangia Sportswear ug Ryan G Snack Shack human ilang gipangpukan ang tagsa-tagsa nila ka mga kaatbang kaniadtong Hu­­webes sa nagpada­yon nga FYA Christmas League basketball tournament didto sa Manggahan Open court sa barangay Punta Princesa, dakbayan sa Sugbo.

Sa unang duwa, gi­lampurnas sa Trangia Sportswear ang BDS Law Firm, 100-78, alang sa ilang ikaduhang daog samtang midaog sab sa ikaduhang higayon ang Ryan G Snack Shack ug gipahamtangan sa ikaduhang pilde ang Yoyi’s Pastries & Dessert, 111-90.

Pareho na karong nagbaton og 2-0 nga baraha ang Tramgia Sportswear ug ang Ryan G Snack Shack samtang may 1-1 ang BDS Law Firm ug 0-2 ang Yoyi’s Pastries.

Sila si Jas Sydiongco ug Junjie Martinez maoy nangu sa Trangia Sportswear pinaagi sa ilang 22 ug 20 puntos matag usa samtang laing upat ka teammates ang mibahug sab og double figures.

Si Jonathan Bandiala maoy nangu sa BDS Law Firm human siya miposa og 19 puntos samtang midugang si Wako Dacayana og 16 puntos.

Miamot og 15 puntos si Toper Marata ug may 14 puntos si Michael Gar­cia alang sa 1-1 nga BDS Law Firm.

Sa laing bahin, miburak og 23 puntos si Epe Sabalande samtang miduhang og 21 puntos si Sido arreglo aron pangulohan ang opensa sa Ryan G Snack Shack samtang and 0-2 nga Yoyi’s Pastries gipangulohan ni Ahlamark Albarracin kinsa mihakot og 25 puntos samtang miabuno og 19 puntos si Jonathan Tilos.

Puntos matag usa:

(Unang duwa)

Trangia Sportswear (100) - Sydiongco 22, Mar­tinez 20, Encarguez 16, Caballero 13, Auditor 11, Reubal 10, Macachor 8.

BDS Law Firm (78) - Bandiala, Dacayana 16, Marata 15, Garcia 14, Cal 9, Parba 5.

(Ikaduhang duwa)

Ryan G Snack Shack (111) - Sabalande 23, Arreglo 21, Cadungog 16, Gillangao 15, Ursal 10, T. Lavandero 9, T. Abella 8, J. Lavandero 4, Laborte 3, Abella 2.

Yoyi’s Pastries & Dessert (90) - Albarracin 25, Tilos 19, Cueme 13, Laput 12, Solon 9, Sy 7, Regudo 5. (PR)