DEAR Heartline,

Tawaga lang ko nga Anje, 23-anyos.

Ang akong problema bahin sa akong ex. Wala mi nagbalik sa dihang naa nahitabo namo dili lang kausa, makadaghan na. Sa dihang nabuntis ko karon gusto niyang ipalaglag pero wala ko nisugot kay lagi dili siya andam.

Please tambagi ko kung unsa akong buhaton.

Anje

*****

Hi Anje,

Mao kana ang bunga sa inyong gihimo so atubanga ninyo.

Mao sab lagi nay nakadaot tungod panahon sa palami, wala gayud baya ninyo gihuna-huna unsa ang posible nga kasamputan sa inyong aksyon.

Karon, nakasala naman mo, ayaw na ninyo dugangi pa og laing sala.

Kon siya di andam sa pagpanubag kanimo, then ikaw, barugi ang consequence sa imong action.

Ayaw na ninyo og i-angin pa ang batang wa tawo'y alam sa mga panghitabo ug gihimo sa iyang amahan ug inahan.

Daghan og mo-react partikular ang inyong pamilya, be strong and stand still.

Kesa naman magsige ka'g agad anang uyab nimo wala gayuy mahitabo nimo.

Sa karon, pagdesisyon sab og unsa ang mas labaw nga maayo.

Save yourself, save your baby. Ayaw anang lalaki nga way baruganan.

Heartline