SUBLING midaog ang defending champion Cleveland Cavaliers kontra New Orleans Pelicans sa nagpadayong NBA season games.
Pulihay sa ilang labaw ang duha ka team hangtud sa natapos ang duwa pabor sa Cavs.
Mihatag og 26 puntos ug unom ka assists si LeBron James ug 12 rebounds sab ang gikan kang Richard Jefferson.
Nahuman ang duwa sa iskor nga 82-90, pabor sa Cavs.
Sa laing duwa, gipildi sa Milwaukee Bucks ang Oklahoma City Thunders sa 94-98.
Wala sab makaporma ang Brooklyn Nets sa kamangtas sa Utah Jazz sa 101-89.
Gipildi sab sa Orlando Magic sa 115-103 ang New York Knicks.
Malampuson sab ang Houston Rockets sa pagpahilom sa Washington Wizards sa ilang binukbukay sa 101-91.
Samtang ang Chicago Bulls mikamada og kadaugan kontra Charlotte Hornets, 111-118.