LABING unang painting contest kabahin sa 51st International Eucharistic Congres 2016 gibutyag ubos sa tema nga “Christ in You Our Hope of Glory”
Si Archbishop Jose Palma ug Msgr. Agustin Anjacas mao ang nanguna sa pagsiugda sa maong bangga nga magsamin sa pagtuo ug umaabot nga IEC 2016.
Matod ni Palma, ang maong kalihukan ilang gipahigayon aron mapakita sa mga artist ang ilang kahanas sa natad sa pagdibuho sa nagkalainlaing imahen ilabi na ang hulagway ni Sr. Sto.Niño nga maoy naghatag og paglaom sa katawhan.
Dugang ni Palma, ang paintings mahimong kabahin sa mga catalogue nga ihatag unya sa mga delegado sa IEC.
Wala usab siya misalikway sa sugyot nga magbutang og museum alang sa mga nagkadaghang paintings nga ilang nakolekta.
Si Mark Loyd Benecario maoy labing unang mananaog sa contest. Siya nakadawat og P100,000 ug sertipiko.
Ang ikaduhang dapit mao si Malvin Lim nga nakadawat og P75,000.
Si Rolamdo Yakit maoy ikatulong nga nakadawat og P50,000.
Si Benecario minhinabi sa mga tigbalita nga siya nagsugod og paint niadtong 2007 ug miingong angCebuano Artists naghatag niya og inspirasyon sa paggama og nagkalainlaing obra.
Laing lima usab ka mga partisipante ang nakadawat og tag P5,000 isip merit award. Sila mao si Reynan Dinggal, Gary Allan Watin, Virgillo Ybañez ug Jonel Fegis.
Ang awarding ceremonies gipahigayon sa Activity Center, Ayala Center Cebu sa miaging buwan. (Marjorie Padin, CNU Comm intern)