WAY plano ang konseho sa dakbayan sa Talisay nga gipangulohan ni Bise Mayor Alan Bucao nga mohimog lahugay sa mga komtiba nga ilang gihuptan sa konseho.
Samtang ning 2017 gusto ni Bucao nga masugdan na niya ang planong codification sa tanang mga ordinansa ug resolusyon nga napalabang sa konseho sukad kaniadtong usa pa kini ka lungsod ug hangtod karon.
Gibutyag ni Bucao nga ning tuiga wa silay himuong revamp sa ilang gihuptan nga mga komitiba tungod kay iya pa una kining obserbahan.
Hinuon iyang giangkon nga adunay misugyot og revamp sa ilang mga committee nga gihuptan.
Apan iya kining gibabagan tungod kay iyang nakita nga mitrabaho ang tanan subay sa komiti nga ilang gihuptan.
Samtang labot sa codification matod ni Bucao nga kini aron dali nalang unya nila makita kon unsa ang mga ordinansa nga nagdoble na ug ang ordinansa nga angayan nang usbon.
Gipasabot ni Bucao nga daghan ordinansa nga nagdoble na hinungdan nga angayan kining limpyohan.
Samtang aduna usay mga ordinansa nga di na mahimong ma-apply karong panahona.
Apan kon mahimong ma-apply di na magsilbi ang multa tungod sa ka gagmay pa niini.
Matod niya nga iyang paningkamutan nga nga kon mahuman ang iyang unang termino iya na usab kining mahuman nga proyekto.