KOMPIYANSA si Golden State Warriors coach Steve Kerr nga makaduwa sa Game 1 sa NBA Finals kontra sa Cleveland Cavaliers ang shooting guard nga si Klay Thompson karong Biyernes.

Nasayran nga wala sa duha ka magkasunod nga practice si Thompson tungod sa pag-recover sa iyang concussion.

Matod ni Kerr, naa sa maayo na ang gibati sa All-Star guard ug ipadayon na lang ang progreso pinaagi sa NBA concussion protocol.

Mo-resume og practice ang Warriors karong adlawa diin gipangandaman nila ang Cavs sa Game 1 gamit ang ilang homecourt advantage.

"I'm anticipating he's going to be there, I expect him there," ni Kerr.

Mahinumdoman, nakahiagom og concussion si Thompson human maigo ang iyang ulo sa tuhod ni Trevor Ariza sa Houston Rockets sa ilang Western Conference finals.

Kinahanglan og symptom free si Thompson una mobalik sa practice.