Albor: Kadtong mga opisyal nga naghikog

MAPALIT ang labing mahal nga katre sa tibuok kalibotan apan dili nimo mapalit ang malinawon nga katulogon. Pun-an sa hiktin nga pangutok maong naghikog kadtong ERC Bidding Chairman Francisco Villa Jr. Gipugos sa iyang mga labaw pag-aprobar sa mga anomalosong transaksyon nga wala mag-agi og tukmang subasta. Hangtod karon wala tuohi si Pres. Rodrigo Duterte sa iyang mando nga paluwaton sa katungdanan ang mga kadagkoan nunot sa pag-awhag sa kongreso nga bungkagon ang ERC gumikan sa naghitak nga kurapsyon. Wala matandog sila si ERC Chairman Jose Vicente Salazar ug Commissioners Ina Magpale-Asirit, Alfrero Non ug Gloria Victoria Taruc. Mobarog nga dili manaog sa pwesto kay dili makaayo sa interes sa sector ug dunay mga lagda nga sundon sa pagtangtang sa ilang katungdanan. Sa 2014 panahon ni ERC Chairman Zenaida Ducot ug DOE Sec. Jericho Petilla mipausbaw sa bayranan sa Meralco nga wala maminaw sa hugot nga pagsupak sa mga konsumidor sa koryente. Kadto si Gen. Angelo Reyes nga nabulit sa kaulaw naghikog samtang sila si Lt. Col. Carlos Garcia, Gen. Diomedio Villanueva, Gen. Roy Cimato, Gen. Avelino Razon Jr. ug Gen. Alan Purisima misalom sa lama sa mga anomaliya. Niining uwahi ang ginadiling drugas nakamansa sa dungog nila ni Gen. Marcelo Garbo, Vicente Loot. Bernardo Diaz, Edgardo Tiño, Joel Pagdilao, Asher Dolina ug ubang kadagkoan sa han-ay sa kapolisan, military, politiko ug judiciary. Nanghilam-os usab sa kaulaw sila si Deputy Immigration Commissiners Al Argosino ug Michael Robles nga nasakpang nangilkil og P50M gikan sa online gaming tycoon Jack Lam nga nagnegosyo og ilegal nga sugalan sa Fontana Hotel sulod sa Clark Pampanga. Nalambigit sila si BI Intelligence Chief Police Dir. Charles Calima Jr. ug Retired Gen. Wally Sombero. Lain sab ang panglingla sa kapolisan nga manakop sa ilegal nga tigbakay, sugal, walay lisensya nga drayber, walay rehistro nga sakyanan ug ubang kalapasan apan pugos nga gipapirma isip drug surrenders aron makakuha sa kota nga makasikop og mga drug personalities ang matag police stations. Apan dalaygon ug bayanihon ang hepe sa Catmon nga si Sr. Insp. Alexander Nuñez nga gihulagway nga maayong opisyal nga nakatabang batok sa krimen ug ilegal nga kalihokan gipatay sa barombadong magsoong Jaime ug Carlo Jayson.

Lain sab ang modernong pagpangawat ug pangilad subay sa pagtumaw sa mga bag-ong teknolohiya. Modos sa ATM skimming nga minilyon ka pesos ang nasakiyo sa wala pa maila nga mga res­ponsabli hangtod mitumaw ang katahap nga kakonsabo ang bangko. Mogamit og device aron makuha ang deposito. Ika 19 nga biktima ang OFW gikan sa Qatar nga nauli sa Naga lakip na nila ni Konsehal Dave Tumulak ug Mayor Tomas Osmeña sa Cebu City ug Kapitan Ahong Chan sa Pajo, Lapu-lapu city. Diha kadtoy nahaylo sa Aman Futures nga nadani sa tam-is nga tanyag nga “double your money scheme” sa pasalig nga sulod sa pipila lamang ka adlaw motubo og 80 porsento ang ibutang nga pohonan. Gidagan sa Malaysian Founder nga si Manuel Aman Amalilio nga nagtago-tago karon sa Kota, Kinabalo, Sabah, Malaysia. Mikisi-kisi ang liboan ka mga biktima sa Visayas ug Mindanao nga mga vendors, mag-uuma, drayber. retirado, polis, military, ofw, uban pa. Gisundan sa pyramiding scam nga naglambigit ni kanhi DPWH Sec. Basher Rasuman. Sama ra sa bangko nga nanira kay nagamit o nalabas ang kwarta. Busa sagopon ang sanglitanan “ walay mangingilad kon walay magpailad”.

(csa_1156@yahoo.com/09052504643)
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph