Makaon sa upat ka mga tawo

Mga sagol

3 lusok sa ahos, gitadtad

1 sibuyas bombay gitadtad

2 tamatis nga gihiwa nga tinag-as

1/4 kilo kasim sa baboy, gihiwag og tinag-as nga dagko

1 tasa atay sa baboy, gihiwa nga strips nga dagko

1 piraso nga puwa ug green bell pepper

1/4 tasa sa gisantes

2 kutsara sa cornstarch nga gitunaw sa 1/2 tasa sa tubig

Rekado

2 kutsara sa suka

4 kutsara sa toyo

1 kutsara sa puwa nga asukar

1/4 tasa sa pineapple juice

2 kutsara sa liver spread

Asin ug paminta para mopalami

Unsaon pag-andam:

Mag-init og gamay nga mantika sa kaha ug gisala ang ahos, sibuyas, tamatis ug kasim sa baboy. Butangan og suka, ug gamay nga tubig. Lutoa sud sa 5 minutos o hangtod mohumok ang baboy.

Ibutang ang atay sa baboy ug timplahi sa toyo, asukar, pineapple juice, liver spread, gamay nga asin ug paminta.

Lutua sud sa pipila ka mga minutos hangtod nga maluto ang atay ug ibutang ang bellpepper ug gisantes. Palaputi og cornstarch ug pwede nang haunon ug i-serve.

Sunda ko sa akong social media accounts.

Twitter: @cheftatung

Facebook: facebook.com/LutongTatungOfficial

Instagram: Cheftatung

Website: www.lutongtatung.com