BUENAVISTA, Bohol – Nasikop sa kapulisan sa lungsod sa Buenavista ang magtiayon nga nalambigit sa gidiling drugas atol sa gipahigayong buy-bust operation sa kapulisan niadtong Biyernes sa hapon.
Sa pasiunang pakisusi sa kapulisan, nailhan ang mga suspek nga magtiayon nga sila si Renato Ongacas, 42, ug Marilou Ocangas, 40, nga nagpuyo sa nahisgutang barangay.
Pinaagi sa hiniusang pwersa sa Provincial Anti-Illegal Drugs Special Operation Task Group (PAIDSOTG) ug sa kapulisan sa lungsod sa Buenavista, nakuha ang walo ka dagko nga putos nga adunay sud sa gituhoang shabu ug gibanabanang motimbang kini ngadto sa 12 gramos diin adunay street value nga mokabat sa P132,000.