MANAGLAHING mga operasyon sa kapulisan sa Sugbo nisangko sa pagkasikop sa 22 ka gikatahapang mga drug pusher.

Ang buy-bust operation nga gipangulohan ni Chief Inspector Jacinto Mandal Jr. sa Sityo Kalapukan, Brgy. Carreta, Siyudad sa Sugbo nisangko sa pagkasikop nila ni Dante Fernandez, 39, ug mga kaubang sila si Reynaldo Bello,40;Arvin Himpiso, 34; ug Micheal Ventic, 35; ug Evangeline Labapis,30.

Ang lima nga nakuhaan og gidudahang shabu nabilanggo sa Mabolo Police Station.

Samtang sa Baranggay Kalunasan, ning dakbayan gihapon, nasikop usab ang upat ka mga tawo sa buy-bust operation sa kapulisan sa Guadalupe niadtong Huwebes sa hapon.

Ang mga suspek giila nga sila si Josephus Bun-an, 28; Gemvo Alerta, 35; Mark Hernani, 34; ug Rolando Reyes,4, mga lumulopyo sa Unit 1 Opra, Barangay Kalunasan dagbayan sa Sugbo.

Consolacion

Nasikop usab sa buy bust operation sa kapulisan sa Consolacion ang upat ka mga gikatahapang drug pusher.

Giila kini sa kapulisan nga mao sila si Renato Casinillo Jr., Junrel Español, Rodrigo Dayday Sr. ug Rodrigo Dayday Jr.,mga lumulopyo sa Purok 6, Barangay Nangka.

Matod ni PO1 Peter Joseph Santillan sa Consolacion Police Station nga ang grupo ni P/Sr. Insp. William Homoc nagpahigayon og buybust operation sa nahisgutang dapit ug naaktuhan ang mga suspek.

Talisay City

Duha ang nasikop sa gipahigayon nga buy-bust operation sa Sitio Pungsod, Lawaan 3, alas 7:45 sa gabii niadtong Huwebes.

Ang nasikop mao sila si Benje ug si Gerly Glan Tavera Luwagi, 24, puros taga Sitio Crusher, Lawaan 3.

Toledo

Samtang laing duha ka mga tawo ang nasikop sa gipahigayon nga buy-bust operation sa Sitio Tubod, Brgy Matab-ang, Toledo City alas 11 sa gabii niadtong Miyerkules.

Ang nasikop mao sila si Albert Dizon Dacumos, 33, ug si Bammer Cabigas Juarez, 20, puros taga Sitio Tubod, Brgy Matab-ang.

Balamban

Laing duha ang nasikop sa gipahigayon nga buy-bust operation sa Sitio Alang-alang, Brgy. Buanoy alas 4:30 sa hapon niadtong Huwebes.

Ang mga nasikop mao sila Vicente Bucio Marikit Jr., 40, residente sa nahisgotang lugar ug si Jerby Julita Ricafort, 31, taga Sitio Lamac, Brgy Abucayan, Balamban.

Bogo City

Sa laing bahin, usa ang nasikop ug nakuhaan og kapin sa 60 ka pakite sa gidudahang shabu sa gipahigayon nga checkpoint sa National Highway sa Brgy. Laaw, Borbon, Cebu.

Ang nasikop mao si Muslini Ancao Pepito, 35, taga Brgy Banban, Bogo City.

Carcar City

Duha ang nasikop human nasikop sa kapulisan nga naniid sa Sitio Tawog, Brgy. Valladolid niadtong Huwebes.

Ang nasikop mao sila Ariel Lapis Enjambre, 27, taga P. Burgos, Poblacion 2, Carcar City ug si Christian Bong Rosales Larrobis, 27, taga Cambuntan, Barangay Bolinawan, Carcar City. Maebelle Rellon, Diana Grace G. Pila & Nino B. Baldevino-USJ-R Interns