BARANGAY Tanod nga nag-sideline sa pag­pa­masareho sa habal-habal patay human gi­­banhigan sa wala mailhing mga tawo niadtong Do­minggo sa alas 5:00 sa hapon sa Barangay Cagay, lungsod sa Sibonga.

Si Pio Nerosa, 51, dunay kapuyo, tanod sa Barangay Magcagong, Si­bo­nga, natusaktusak sa mga bala ang nagkadaiyang parte sa lawas.

Si PO3 Ederlino Bacusmo, imbestigador sa Si­bonga, nagkanayon nga si Nerosa gikan sa Ba­rangay Poblacion sa Si­bonga, namasahero padu­long sa Barangay Basak.

Sa pagbalik niya nag-inusara nalang dihang gi-atangan sa duha ka wa mailhing tawo da­yong gipusil sa buko-buko, dughan ug ubang parte sa lawas.

Si PO3 Bacusmo, miingon nga ang motibo sa krimen nga ilang gisubay mao ang pag-sideline sa biktima isip habalhabal drayber diha sa lungsod.

Gituohan nila nga gisuyaan kini dihang namasahero sa lugar nga dili niya linya hinungdan nga gikontrahan ug gi-atangan sa dapit.

Nasuta nila ang ang biktima usa ka maayong tawo sa ilang barangay way kontra hinungdan nga dili nalambigit sa pagkatanod ang motibo sa krimen.

Nagtuo sila nga duha ang mga mamumuno basi sa kabhang sa bala nga nakuha sa kapuli­san gikan sa crime scene nga iya sa kalibre .45 ug 9mm pistol.

Way nakakita o saksi sa pagpatay tungod sa ka­mingaw sa dapit.