KUSOG nga hangin nga dala sa unos nakaapek­to sa mga dapit sa Minglanilla ug siyudad sa Talisay ka­gahapon sa hapon.

Samtang nagtuo ang mga lumolupyo sa duha ka mga dapit nga alimpus ang niigo kanila, matod sa usa ka opisyal sa Philip­pine Atmospheric, Geophy­sical and Astronomical Services Administration (PAGASA) nga gikinahanglan pa ni­lang mopahigayon og du­­gang nga pagtuon kon unsa kadto.

Si Chief Insp. Richard Gadingan, Minglanilla po­lice chief, niingon nga nagsugod ang pagkusog sa hangin mga alas 2 sa hapon.

Ang kusog nga hangin niigo sa merkado publiko sa Barangay Tulay.

Maayo gani kay koral lang nga hinimo sa sin ang nalangkat sa hangin ug way naunsa.

Gawas sa Minglanilla, mga lumolupyo sa baybayon sa Talisay City na­kabantay usab sa hangin.

Matod ni brgy. Poblacion councilor Christo­pher Gabriel Bonjoc nga naigo usab ang ilang da­pit sa hangin, apan way kadaot.

Si Al Quiblat sa Pagasa Mactan niingon nga samtang ila pang gisusi kon unsa kadto, nasayod sila nga tungod kadto sa presensya sa panganod sa u­­­nos kun cumulonimbus.

Mga ala 1:55 sa hapon kagahapon, niluwat ang Pagasa og pahimangno sa unos sa Talisay City ug kanait nga mga dapit. (Sun.Star Cebu)