GIPAHIBAWO ni Cebu Coast Guard Station Commander Dio­ni­lett Ampil nga kon sa higayon nga adunay moigo nga bagyo dinhi sa Sugbo ug ipaubos sa public storm signal ang lalawigan, dako ang puruhan nga di nila ihina­yon ang pagpahigayon og fluvial procession.

Dunay bagyo nga anaa na karon sa Philippine Area of Responsibility (PAR).

Kagahapon sa alas 10 sa buntag, nahimo nang tropical depression ang low pressure area ug ginganlan karon og Au­ring.

Sa unang bulletin sa Phi­lippine Atmospheric, Geo­physical and Astrono­mical Services Admi­nis­tration (Pagasa) kagaha­pon sa alas 10:00 sa bun­tag, anaa ang mata sa bagyo sa 260 kilome­tros, silangan-habagatang-silangan sa Hinatuan, Surigao del Sur.

Anaa kini dala nga ha­ngin nga 45 kilome­tros matag takna ug unos nga 55 kilometros matag takna.

Matod ni Ampil nga base sa ilang memorandum circular, did-an gyud sa ahensiya ang pagpahigayon og fluvial procession ugaling ipaubos sa public storm signal ang Sugbo, tungod sa pag-igo sa usa ka bagyo.

Hinuon kon dili ra kini makaapekto sa Sugbo ug makadawat lang sila og gale warning, kadtong lang mga gagmayng sakyanan sa dagat ang ilang did-an nga makalawig, alang na sa kaluwasan sa mga deboto nga mosalmot sa fluvial procession.

Gitug-an usab ni Am­pil nga duna na silay giandam nga plan B ugaling mahitabo gyud ang maong senaryo ug kini pinaagi sa pagpahigayon nalang og foot procession.

Gawas niini, padayon ang gihimong koordinas­yon sa Coast Guard tali sa Pagasa aron sa pagkuha og latest update labot sa kahimtang sa panahon sa maong adlaw.